Lawngtlai District chhunga Chakma Autonomous District Council (CADC) hnuaia Village Council 88 leh Lai Autonomous District Council (LADC) hnuaia Council Venga VC seat khat hnawh khah nana by-election neih turah mipuite'n ralmuang tak leh rilru fim taka vote an thlak theih nan Lawngtlai Addl District Magistrate Pu K. Laltlawmlova, MCS chuan he'ng VC inthlan neihna tur khuaahte hian CrPC Section 144-na tlawh chhanin a hnuaia mi ang hian thupek a chhuah:

1. Hemi hun chhung hian mi tu mahin silai an lek chhuak tur a ni lo.
2. Phalna la hmasa lovin tu mahin aurinna hman loh tur a ni.
3. Sum leh pai hmanga inlei emaw vote hralh leh zawrh emaw phal a ni lo.
4. Mi tinin zalen leh lungmuang takin vote an thlak theuh tur a ni.

Thupek hian chhuah a nih ni, February ni 18 atanga thla khat chhung a huam ang a. A zawm lote chu IPC Section 188-na hmangin hrem an ni ang.