Entrepreneurship Development Centre (EDC) Mizoram leh  Planning & Programme Implementation Department, Govt. of Mizoram tangkawp buatsaihin Govt. Serchhip College ah Innovative Challenge on Business Solution to Sustainable Development Goals neih niin, Pu C. Lalramzauva, Adviser to Hon’ble Chief Minister, Mizoram chuan khuallian niin a hmanpui.    

Khuallian Pu C. Lalramzauva chuan kan ram hi tha tak leh tangkai taka kan hman atana Pathianin min duan sak ani a, a chhunga cheng mipuite hmasawnna ngaihtuah chu sawrkarin a tum ber ani, a ti. College zirlaite chu hmasawnna tur tam tak a awm thu leh mi la tih ngai loh thil thar hmuchhuak tura tan lak nachang hre turin a fuih a. Kan ramah hmasawnna ngelnghet a lo awm zel theihna tura mithiamte zirtirna chu hlawk taka hmang turin duhsakna a hlan bawk.

Pu Lalchhuanawma Hrahsel, Chief Consultant, SDG chuan Sustainable Development Goals tobul sawiin, khawvel ram hrang hranga hmasawnna hnathawh kalpui avanga kan sik leh sa leh khawvel lo la awm zel tur (Future Generation) ten an tawrh theih (Global Warming) dante sawiin, chutiang ang zawng nilova hmasawnna ngelnghet leh tlo tak tak a lo awm zawk theihna tura SDG 17 Goals in a tum hrang hrangte a sawi a. Pi Truth Chuauthangpuii, Co-ordinator, Entrepreneurship Development Centre (EDC) Mizoram hnen atangin EDS Presentation thlirho a,ngaihthlak ani bawk.

He hun hman anih chhung hian District chhung khaw hrang hranga eizawnna lama harsatna awm theite zawn chhuah a, an harsatna chin felna atana ruahmanna inseam siak turin inelna buatsaih a ni dawn a, he inelnaa ti ha zual tan lawmman a siamsak dawn bawk a ni.

He hun hi Pu Lalremsiama, Principal, Govt. Serchhip College chuan a kaihruai a. Serchhip  a Entrepreneur lam tuimi te, Govt. Serchhip College zirlaite leh thawktute an tel a ni.