Kumin Siaha khawpuia Chapchar Kut-2020 lawm dan tur ngaituahin Siaha District Chapchar Kut Celebration Committee member ten meeting an neih. He meeting hi Pu Malsawmtluanga, Additional Deputy Commissioner chuan a kaihruai a ni.

Kumin Chapchar kut hi March ni 6 a hman tur a ni a, kumin Kut Pa atan Siaha District Bawrhsap Pu Bhupesh Chaudhary chu ruat a ni a, Hlado chhamtu atan Pu Sangmawia chu vawiin meeting chuan a ruatl bawk. Kut hawnna hla sa turin MTP Hqrs chu sawm nise, Hnam lam heng- MTP, YMA, YLA leh MGYA te hnen atanga neih tura beisei a ni a. Hnam inchei pholanna chu M.CH.P., LWA, MHIP leh MUP ten neih mai se tiin a rel bawk. Tin, Miss leh Mister Chapchar Kut thlanna pawh buatsaih a ni dawn a, judges atan MJA member atangte, M.CH.P., MHIP leh LWA aiawh te theuh chu ruat an ni bawk.

Chapchar Kut lawmna pual hian Hnam inchei pholanna leh hnam incheina a mawi ber leh inhmeh ber thlan chhuahna heng- Mipa, Hmeichhia leh Naupang atangin thlanchhuah a ni dawn a. Best Editorial thlanna pawh neih a ni dawn bawk a ni.

Chapchar Kut organising Committee chuan Siaha district mipuite he ni a lo tel theuh turin a sawm hlawm a ni.