Ni 22.8.2017-a CADC leh LADC inthlan neih tur atan Mizoram State Election Commission chuan Article 243K & 243ZA of the Constitution of India, sub section (7) of Section 3 of the Chakma Autonomous District Council (Election to Village Councils) (Amendment) Act, 2011 leh sub-rule (5) of Rule 3 of the Lai Autonomous District Council (Election to Village Councils) (Amendment) Rules, 2011-in thuneihna a pek angin LADC & CADC huamchhungah vawiin ni 1.8.2017 atangin ‘Model Code of Conduct’ hmang turin Thupek a chhuah:

He Thupek hian vawiin a chhuah ni 1.8.2017 atangin inthlan zawhfel tur ni 26.8.2017 thleng a awh ang.

Model Code of Conduct hman a nih chhung hian State Election Commission chuan a hnuaia mi ang hi a khap :

1. Chakma Autonomous District Council leh Lai Autonomous District Council hnuaia Sorkar Department/Public Undertaking Corporations hnuaiah hnalak (recruitment/appointment) eng pawh, written test, personal interview leh selection of candidates phal a ni lova. State Election Commission atanga Clearance neite tan State Public Service Commission hnuaia hnalak tur chauh phal a ni ang.

2. Chakma Autonomous District Council leh Lai Autonomous District Council huamchhunga Village Council Area-a officers/officials transfer leh posting tihdanglam phal a ni lova. Model Code of Conduct puan hmaa transfer order awm tawh, hna thar la zawm hman lohte tan State Election Commission atangin phalna (permission) lak hnuah chauh zawm theih a ni ang.

3. Sorkar inrelbawlna thilah officer/official transfer a tul a nih chuan a concerned department ten State Election Commission hnenah justification thehluh a, Clearance lak phawt tur a ni.

CADC leh LADC Village Councils inthlan dik leh felfai nei theih tura State Election Commission thupek leh hmalaknate chu zawm tlat tur a ni a. Thupek bawhchhiate chu State Election Commission-in an chungthu a ngaihtuah ang.