Kan hma lawk Dt 28^th April, 2016 a Chakma Autonomous District Council huam chhunga Village Council 10 leh Member of District Council 1, Mondirasora biala Bye Election neih tur chu ngawrh taka inbuatsaihna kalpui mek a ni a, Village Council bikah chuhtu awm lova tlinga puan an awm tawh bawk.

Pu Lalhmansanga, MCS, Election Officer, Lawngtlai chuan heng in thlan lo awm tur atana in buatsaihna hrang hrangte hetiang hian a sawifiah. Village Council seat 5 awmna, Gobasury ah chuan INC candidates te chu chuhtu awm lova tlinga puan an ni a, Borakabakhali-I a VC General Seat pakhata Bye Election neih turah pawh INC Cnadidate chu chuhtu awm lova tlinga puan niin VC Seat 5 awmna Charluitlanga hmeichhe tana seat hauh sak (Reserved) 1 ah pawh INC hmeichhe Candidate chu chuhtu awm lova tlinga puan a ni, a ti. Heng bak Village Council seat ruak 35 chuh turin Candidate 76 in hming an pek luh thu a sawi a ni.

Heng Village Council thlanna tur atana Presiding Officers te leh Polling Officers te chuan Dt 25^thApril, 2016 hian Chawngte BDO Conference Hall ah training an nei ang.

Tin, Candidate pathum awmna Mondirasora MDC biala Bye Election neih tur atan pawh ngawrh takin inbuatsaihna kalpui zel a ni a, Electronic Voting Machine hman tur niin EVM te hi ni 25^thApril, 2016 vek hian EVM Engineer te leh Election Official teleh Candidate te nen Chawngte SDO Office ah endikna an nei anga, Polling Officer leh Presiding Officer ten ni 26^th April, 2016 ah Training an nei ve thung ang.

Venhimna lam thawktute pawhin Security Plan mumal tak nen tunah hian uluk takin an vil reng a, vawiin thlengin thil duhawm lo thawm engmah hriat tur a la awm lo a  ni.