Nimin Dt 21.4.2016 khan Lawngtlai District Sericulture Office chuan an Office ah NLUP 3rd Phase leh 4th Phase hnuaia pangang khawi thlangtu chhungkua 17 te chu Pangang khawi zirtirna hun an neih pui a, NLUP tanpuina an sem nghal bawk.
He Training hi District Sericulture Office Pu B. Lalchhuana’n a kaihruaia, NLUP dawngtute chu theihtawp chhuaha bei tur a fuihin Cocoon hralhna lamah harsatna a awm ngailoh avangin engtiklai pawhin tui takin a thawh bawrh bawrh reng theih a, daihlimah hna tam zawk thawh a nih bawk avangin a hahdam zawk bawk, a ti a. An training te chu uluk taka beia hriat chian tum turin a ngen a ni. He training ah hian Lawngtlai West Cluster atangin khaw pathum, Thingkah, Diltlang South leh Lunghauka atang leh Lawngtlai East Cluster atangin Lawngtlai 1 leh Chandmary atang te in Pangang vulh thlangtu mi 17 te an kal khawm a, Pangang khawina in sak dan te, Chhuar siam dan te, Thingtheihmu phun, enkawl leh an natna lak atanga vend an te zirin Pu FLD Sanga, Demonstrator, Pu T. Lalrammuana, Demonstrator leh Pu Lalhriatzuala LDC ten zirtirna an pe a ni.
Training an neih zawh hian 3rd Phase 3rd Instalment chhungkaw 12 te hnenah Rs. 10,915 theuh leh 4th Phase 2nd Instalment chhungkaw 5 hnenah Rs 17,840 theuh an pe nghal a ni.
