Nimin tlaiah khan US Consul General Pu Craig L. Hall, US Consulate, Kolkata chuan Raj Bhavan ah Mizoram Governor Lt Gen Nirbhay Sharma (Retd.) a kawm a. USA Palai leh a thuihruai te pual hian Governor chuan zanriah a lo buatsaih a ni.

Mizoram Governor Lt Gen Nirbhay Sharma (Retd.) chuan Mizoram chhung chanchin kimchang taka lo hrilh in India leh Asia chhimchak ram insumdawn tawnna bakah inlaichinna atana Mizoram awmna hmun a rem bik na a lo kawh hmuh a. India hmarchhak hual vela rin bial 1000 Km chhungah Mizoram awmna lai chu insumdawnna hmun atan leh sumdawnna kawtchhuah atana hman remchang tak a nih thu leh hemi kawnga ngaihtuahna seng chung hian Mizo state Official te chu kawm se thawhhona tur kawng tam tak a hmuchhuak ngei ang tih Pu Craig L. Hall, US Consul General hi Governor chuan a lo hrilh a ni.

Pu Craig L. Hall hi Pi Sangita Dey Chanda, Economic Specialist, US Consulate, Kolkata leh Pu Sameek Ghosh, Cultural Affair Specialist, US consulate ten an rawn tawiawm a. Vawiin ah leh naktuk ah te Mizoram ah hun an hman hnu in Kolkata ah an kir leh ang.