3994/2022-2023
Pi Ramdinliani, District Municipal Election Officer & Deputy Commissioner, Lunglei District chuan 1st General Election to Lunglei Municipal Council,2023 lo awm tur a campaign chungchangah 24th March, 2023 khan a hnuaia mi ang hian thuchhuah a siam.

Lunglei Municipal Council Inthlanpui hmasa ber chu 29th March, 2023 ah neih tur a ni a. He inthlan atan hian political party hrang hrang te chuan campaign nei mekin, Lunglei Municipal area pawn lam atanga rawn kal party hruaitute leh party worker-te pawh heng campaign-ah te hian an tel a. State Election Commission chuan lehkha No.B. 14016/1/2022-SEC/LMC/3 dated 02.03.2023 hmangin thupek pawimawh tak a hnuaia tarlan ang hian a chhuah a ni:

"Vote thlak hun tawp, ni 29.03.2023 tlai dar 4:00 atanga chhiar leta darkar 48, i.e. ni 27.03.2023 tlai dar 4:00 chhung hian Lunglei Municipality huam chhungah campaign theih a ni tawh lo a, hemi hun chhung hian Ward pawn lam atanga campaign tura rawn kal political hruaitute, party worker te leh campaign worker vote neilo te chu Ward chhungah an awm tawh tur a ni lo."

Chuvangin he thupek hi ngaipawimawh leh zawm ngei turin Lunglei-a political party zawng zawng te, Candidate-te leh Election Agent-te kan inhriattir a ni e.