3993/2022-2023 

Lunglei the 27th March, 2023 - March ni 29, 2023 a 1st General Election to Lunglei Municipal Council 2023 neih turah Lunglei District Municipal Election Officer Pi Ramdinliani chuan Lunglei mipuite hnenah ngenna a siam a ni.

1. Kan hriat theuh angin Lunglei Municipal Council Inthlanpui hmasa ber chu March ni 29, 2023 hian neih a ni dawn a. He inthlan hi Lunglei khawpui tan hun pawimawh bik tak a ni. Kan khaw chhung, Lunglei Municipality chhunga kan roreltute kan thlanna hun tur niin, mipuite'n kan ngaihpawimawh a ngai hle a ni. He inthlana vote thlak thei zawng zawngte thahnemngai taka vote thlak theuh turin ka ngen a che u.

2. Vote thlak hun hi March ni 29, zing dar 7 atanga tlai dar 4 thleng a ni a. Tin, vote thlak tura kan kal in kan nihna tichiangtu document ken ngai te a awm a. Voter's ID (EPIC) te, Aadhaar card te, PAN card te, driving license te bakah ID dang thlalak chuanna te ken theuh tur a ni e.

3. State Election Commission thupek angin political party hrang hrang te'n campaign hi March ni 27, Thawhtanni tlai dar 4 thleng an nei thei a.

Hemi hnuah hian campaign phal a ni tawh lova, Lunglei khaw pawn atanga campaign tura rawn kal, Lungleia vote nei silo te pawh an cham a rem tawh lo ang.

4. Ram rorelnaa thu kan neih ve theihna a ni tih hriain, Lunglei mipui te vote thlak ngei turin ka sawm a che u.