3992/2022-2023 

Lunglei the 25^th March, 2023 – 1^st General Election to Lunglei Municipal Council, 2023 atana inpuahchahna kal zelah vawiin khan Lunglei DC Indoor Stadium ah Electronic Voting Machine (EVM) Commissioning neih a ni. District Municipal Election Officer Pi Ramdinliani, IAS, Municipal Returning Officer Pu Donny Lalruatsanga, Election Observer Dr Lalngura Tlau, Election Officer Pi C. Lalduhzuali leh official dangte bakah party aiawhte an tel a.

Polling Station theuha hman tur Electronic Voting Machine (EVM) Control Unit (CU) leh Balloting Unit (BU) ruat fel tawh te chu vawiin EVM Commissioning ah hian inthlan nia hman theih tawh turin buatsaih fel an ni. EVM khawl buatsaihna te enpui tur hian Bharat Electronics Limited (BEL) engineer pahnih te an tel bawk a ni.

EVM Commissioning hi vawiin chawhnu khan tluang taka zawh fel anih hnuah District Municipal Election Officer Pi Ramdinliani chuan Lunglei khawpui chhunga Polling Station thnekhat a tlawh a, LMC Election Polling kalpui tura ruahmanna te a hmunah enfiahin ruahmanna siam tul te a siam pui a ni.