Vawiin khan Chief Minister Pu Lal Thanhawla chu Central Agricultural Univeristy (CAU) Imphal Vice
Cancellor Dr. M. Premjit Singh leh a thawhpui dang pahnih bakah Horticulture Department Director Dr. Saipari ten an hmu a, Thenzawla Horticulture College sak nan ram pek chungchang leh helai hmunah hma lak mek dan chungchangte an hrilh.

Chief Minister chuan Horticulture College hi Mizorama loneitu mai bakah mipuiin in an chhawr hle dawn tih sawiin College changtlung tak anih theih nan Mizoram Sawrkarin theihtawp a chhuah tur thu CAU hotulute hi a hrilh a. CAU hotulu, Vice Chancellor hian tunah hma an lak tawh chin leh an hmachhawp te sawiin Mizoram Sawrkarin Thenzawlah he College sak anih theih nan ram hectare 120 a zau a thlawnin a pek avangin Chief Minister leh sawrkar chungah lawmthu a sawi.

Thenzawl ramah hian nakum a class tan anih theih nan pre-fabricated buildings engemaw zat sak a ni dawn a, thla 6 chhunga peihfel beisei a ni a. Hemi rual hian permament building cheng vaibelchhe 88 senga sak turin NPCC identify a ni tawh a. Permanent building te hi kum 2 chhunga sak zawh hman beisei a ni a. Heng hna pahnih te hi a ruala thawh anih theih nan hma lak mek a ni. 

Tunah hian Horticulture College ah hian seat 20 awmin tun academic session atan hian class chu Selesih ah neih mek a ni.