Vawiin khan Aizawl City Surveillance project (CCTV) Phase-3 na chu Pu R.Lalzirliana, Hon’ble Home Minister in S.P Aizawl Conference Hall ah hawnna hun a hmang a, he hunah hian Pu R.Romawia Minister, Pu ZS Zuala, Parliamentary Secretary, Pu Vanlalzawma, MLA, Pu Thianghlima Pachuau IPR, DGP Mizoram leh Senior Police Officers engemaw zat he hunah hian an tel a ni.

Tunah hian Aizawl khawchhung hmun 33 ah camera 185 vuah tawh niin S.P Aizawl Office Building ah Main Control Room dah niin Police Station hrang hrangah Sub-Control Room dah niin CCTV hi Police ten tangkai taka hmangin CCTV atnag hian case engemawzat chhui chhuah tawh a ni.

Ni 8.11.2016 zana GAD Civil Aviation Wing Office, Secretariat Annex Building (NLUP Office bul) rawk a ni a, Police leh Forensic Team in a hmun ah kal chilh nghal in, uluk tak a chhui anih hnuah Office rawktu Zohlimpuia (35) s/o Ralthangliana chu ni 10.11.2016 zanlai vel khan chhui chhuakin, a pawisa ruksa zing ami Rs. 5,00,500 /- an inbula a phum ruk pawh hmuh let leh a ni.