Vawiin khan Pu John Rammawia, Chief Engineer, PWD, Roads hovin tunlai khaw chhe tak hnuaia khawkar kawng chungchang sawihona neih a ni.
PWD hnathawkte leh an contractor ten tunhnai ruahsur nasa tak avanga khawkar kawng chhiate a an hmalakna leh an hmalak zel dan turte sawiho a ni.
Pu Rammawia chuan kawngtha leh zau zawkte kan duh avangin kawngte kan han zauh mek laiin, kumin fur nasa lutuk leh ruahtui tla hma lutuk avangin kawng diak leh min a tam em em a, mipui leh zin mite harsatna sukiang turin PWD chuan theih tawp an chhuah zel tih thu a sawi.
Tlawng Bridge, Bairabi a mi pawh inhriatthiamna nen, hawn pawh a la nih hmain motor te te chu zawh an phalsak a, chutih rualin a panna kawng (approach road) metre 830 ah harsatna a awm a, PWD mi leh contractor ten khuar leh diak hnawh nan kumin chhungin lung motor lian trip 35 an dah pawh a diakah a pil zel avang a chidanga beih an tum tih an sawi.
Chhumkhum to Chawngte kawng pawh theihtawp chhuahin hma an la mek a ni tih tarlan a ni bawk.
He meeting-ah hian Pu David L. Thangliana, Joint Director, I & PR pawh sawm a nih angin a tel a, fur zualpui a reh hunah PWD Roads hrang hranga hnathawh te, Mizoram Journalist member te nen tlawh ho thuai nise, an hmalakna, hlawhtlinna leh harsatna an tawh te pawh a hmunah enpui nise tih an rel bawk.
He meeting-ah hian Road lam enkawltu, SE, EE, SDO te bakah World Bank Consultant lam leh contractor te an tel a ni.
