1694/2023-2024

Aizawl 29th Aug, 2023: Chief Election Commissioner Pu Rajiv Kumar, leh Election Commissioner pahnih Pu Anup Chandra Panday, leh Pu Arun Goel, Pu. Nitesh Vyas, Sr. Dy. Election Commissioner, Pu. Hirdesh Kumar, Dy. Election Commissioner, Pu. R.K. Gupta, Dy. Election Commissioner bakah ECI officials 12 te'n vawiin hian nithum chhung Mizoram inthlan inbuatsaihna kalpui mek thlithlai turin Mizoram leilung an thleng.

India danpui constitution article 324 -in a tarlan angin state general election a thuneihna pumhlum neitu chu Election Commission of India (ECI) a ni a, Kum tawp December ni 17 khian tuna 8th Mizoram Legislative Assembly term hi a tawp dawn avangin inthlan hmachhawn dan tur inbuatsaihna kalpui mekte an rawn endik dawn a ni.

Ruahman lawk angin vawiin hian ECI full Commission hian Aijal Club-ah National & State recognised political party aiawh, dan leh thupek kengkawhtu (enforcement agencies), Mizoram Chief Electoral Officer (CEO), State Police Nodal Officer (SPNO) leh Central Armed Police Force (CAPF) te hmalakna leh ruahmanna an siam te, boruak muanawm tak hnuaia inthlanna felfai leh thianghlim a awm theih nan an endik a ni.

Naktuk lamah ruahman lawk ang chuan Aijal Club-ah vek Mizoram Chief Secretary (CS) leh Director General of Police (DGP) te meeting an neihpui dawn bakah kan rama District 11 a District Election Officers (DEO) leh Superintendent of Police (SP) te inbuatsaihna an thlirho dawn a chu bakah media mite nen inkawm hona press conference nei tum a ni.

A nithumni-ah Systematic Voters Education and Electoral Participation (SVEEP) hnuaia hmalakna te a hmunah an endik dawn bakah State Icon te leh PwD (Vohbik) Voters leh Young Voters te nen inkawmhona neih tura ruahman a ni bawk.