Mizoram sorkar, Disaster Management & Rehabilitation (DM&R) bul tumin Amrita University, Kochi, Kerela atangin Expert Team te chuan Mizoram a leimin hlauhawm zualte rawn zirchianga a hmun rawn enfiah turin ni 3.3.20014 khan Aizawl an rawn thlenga. Heng Expert Team zingah hian Oklahoma, USA atang pawhin mithiam a lo tel bawka, ni 7.3.2014 thleng Mizoram ah an cham dawn a ni.

Disaster Management & Rehabilitation leh Geology Department ten hmun hlauhawm zual an lo enfiah tawh te zinga heng hmun- Ramhlun Sports Complex, Hunthar (Leitlahniam),Laipuitlang, Ramthar (Sihpui) te he mi ni hian enfiah nghal a ni a, leimin tur enfiah na khawl Landslide Early Warning Sensors dah/bun tum a ni bawk. Tin, heng bakah hian Ngopa, Champhai leh Mamit a leitla hniam te pawh hun an neih chuan en nghal an turn bawk a ni.

Vawiin khan Pi L.Tochhawng, Chief Secretary leh Pu P.C. Lallawmsanga Principal Secretary, DM&R te nen thil awmdan an sawi ho a, leitla-hniam dang, Zuangtui road-te leh adang te he mi ni hian Official ten nen a hmunah an enfiah leh bawk.

Heng Expert Team hi Pu P.P. Shrivastava, former Member/NEC-in a rawn ho a, DM&R Department in an lo mikhual a ni.