Central Funding Pattern tihfel har avanga SSA sum dawn tur kum dang aia a muan chungchang a SSA thuchhuah.

Tualchhung chanchinbu thenkhata lo lang SSA hnuaia zirtirtuten thla 3 hlawh la tawh lo tih chungchangah khan thil awm dan chu hetiang hi a ni.

Sorkar laipuiin Centrally Sponsored Scheme-atana sum a pekchhuah thinah 14th Finance Commission rawtna angin State nena sum intum sem dan tur a tidanglam a. Hemi chungchangah hian thutlukna a siam har avangin sum pekchhuah a muang a, Mizoram SSA chuan kum dang aiin fund a dawng tlai ta a ni.

Kumin 2015-16 chhungah hian Central-in Adhoc release atan cheng vbch 9 a rawn pe chhuak tawh a, First installment dilna chu July 27,2015 khan lehkha pawimawh chi hrang hrang nen MHRD-ah thehluh tawh a ni a, central hian state nena sum intum sem dan tur kalhmang funding pattern chungchangah thutlukna a siam har avangin dilna thehluh hnuah pawh hian sum a release mai thei lo va. Tunah hian funding pattern chu central leh state tum tur chin 50:50 ah bithliah lailawk a lo ni ta a, hemi atan hian August 25,2015 khan office memorandum tihchhuah a ni.(No.13(9)/PF-II/2004 North Block, New Delhi-110001, Dated 25th August,2015) Cabinet-in thutlukna dang a siam hma chuan hetiang hian kalpui phawt a ni dawn a ni.

September 10, 2015 a SC Khuntia Secretary MHRD hova Video conferencing neihah pawh Mizoram SSA-in first installment a dilna chu sawi a ni a, a hma thei ang bera tihfel an tum thu MHRD Secretary hian a sawi a, hemi tum hian Mizoram atangin SSA hotute pawh an tel a ni.

Mizoram sorkarin State Matching Share atana a tum tur vbch 9.59 chu a release tawh a,(G.24017/5/2015-EDN Dated Aizawl, the 11th September 2015) draw veleh hlawh atana pek chhuah mai tur a ni tawh a ni.

Mizoram SSA hian thawktute hlawh atan thla khatah cheng Vaibelchhe 8.3 a hmang thin a ni.