1122/2022-2023
Mamit 1st July, 2022 : Vawiin khan DC Conference Hall, Mamit-ah Pu Lalnunhlua, District Bawrhsap hovin Shri V. Muraleedharan, Hon'ble Minister of State for External Affairs and Parliamentary Affairs Gov't of India leh Shri Umakant, IFoS Jt. Secretary (WM) DoLR & Central Prabhari Officer te'n Aspirational District, Mamit an tlawh tur chungchangah lo dawnsawn dan tur thlirin thutkhawm a ni.

Meeting-ah hian karleha Central Minister leh Jt. Secretary te'n Mamit an rawn tlawh turah inbuatsaihna tur hrang hrang thlira sawiho a ni a, hemi atan hian Department hrang hrangte mawhphurhna in pek nghal a ni.

Meeting kaihruaitu Pu Lalnunhlua, District Bawrhsap chuan Mamit District chu India rama District hnufual chawikan ngai zinga awm kan nih angin Sawrkar laipui atang pawha ngaihven leh vil zui kan ni chu a lawmawm hle a, kan District hmasawnna atana theihtawp chhuah tur leh Sawrkar laipui atanga kan mikhualte lo dawnsawnna turah Department hrang hrang mawhphurhna theuhte tha taka kan hlenchhuah theih nan theihtawp chhuah turin a sawm a ni.

Meeting-ah hian SP Mamit bakah Mamit khawpui chhunga Sawrkar Department aiawhte leh Jt.VC, Sub Hqrs YMA leh MDVCA aiawhte an tel a ni.