1123/2022-2023

Hnahthial the 1st July, 2022 - Hnahthial District bawrhsap Pisa chu hman khat daih Plastic awm lohnaah (Single Use Plastic Free) Pisa atan vawiin khan District Bawrhsap Pu R.Lalremsanga chuan puangin thawktute pawh hman khat daih Plastic reng reng hmang lo turin an intiam a ni

He huna inkhawm tawi hi District Bawrhsap  Pisa tualah neih niin SDO (Sadar) leh DUDO ni bawk Pu Lalremruata Sailo chuan kaihruaiin District Bawrhsap Pu R.Lalremsanga chuan hman khat daih plastic chu leilung tana chhiatna nasa tak thlen theitu a nih avangin hetiang lam chi No, Fian, Thleng, Polythene bag leh a dangte chu Pisa huam chhungah la lut lo turin thawktute a chah a, pawn lam atanga lalut an hmuh pawhin hmang lo tura zirtirtu ni turin a fuih a, Hnahthial District-ah a bul tan nan a Pisa huamchhung chu hman khat daih plastic awm lohna ah a puang a ni. 

Vawiin vek khan UD&PA Deptt Hnahthial buatsaihin Govt High School Hnahthialah hman khat daih plastic that lohna leh hmang lo tura inzirtirna Awareness Campaign neih niin Pu Lalremruata Sailo DUDO chuan vawiin atang hian India ram pumah hman khat daih plastic chu khap a nih thu sawiin zirlaite chu midangte hrilhretu ah tang turin a chah a ni. He hunah hian Pu Micky Lalenkawla, DEO & DPC Samagra Hnahthial chuan Zirlai naupangte chu power point hmangin hman khat daih plastic that lohna bakah Faina leh thianghlimna chungchang hrilhfiahin a zirtir a ni.


Attachment

  • Loading attachment...