Central sorkar Ministry hrang hranga hmarchhak state te tana sum hlawm 10% dah thin hman tangkai dan sawihoin, vawiin khan Chief Minister hovin a office conference roomah meeting pawimawh tak neih a ni.

India hmarchhak state te tana sum hlawm dah hi Mizoram sorkarin a haichhuah that tawk thin loh avangin Chief Minister chuan ngaipawimawhin, hemi chungchang hi sawiho turin 2Finance Minister leh sorkar department hotu zawng zawngte chu a kokhawm a ni.

Department hotute chu he 10% sum dah hran hi engtianginnge an lokalpui thin a, engtinnge hmalakna an neih tihte hrechianga, inbuatsaihna nei lawk vek tura beisei an ni a. Heng sum dahte hi atam thei ang ber haichhuah anih theih nan nasa leh zuala tan la a, a tul ang DPR te pawh thahnemngai taka thehlut taima leh zual turin Chief Minister chuan sorkar hotute chu a chah a ni.

Meetingah hian darkar 3 vel an sawiho a ni.