Vawiin chawhnu dar 1:00 khan Lunglei Gov’t College ah chhimlam in Zirna lama hmasawn dantur sawiho na Pu Joseph Lalhimpuia, HPC Vice Chairman hovin neih a ni.

Pu Joseph Lalhimpuia chuan thu sawiin Pathian in mi duhsak bik a neilo tih hi vawiin a kalkhawm te hian kan school naupang te hnenah hian zirtirna kan pek thin hi a pawimawh hle a ni a ti. Tunhma lamah kha chuan chhimlam hi zirna ani emaw, eng thil ah pawh kan hniam ngai lo a, mi in an tih theih chu ka ti thei a ni ti thin kan ni. Tunah chuan kan zirlai te leh kan thalai te pawh kan inbihchian a ngai ta hle a ni, a ti bawk. Vawiin a zirtirtu kalkhawm zawng zawng te hi kan sawrkar hian a hria che u a ni tih hi in hriat ka duh a, zirtirtu te hian kan naupang te chu zirna sang zawk an zirzawm zel theih na tura zirtirna tha pawh kan pek zel theih na turin zirtir tu te pawh nasa tak a tan kan lak a ngai a ni a ti a. Zirtirtu te hian kan naupang te hi zirna piahlam ah hian kan naupangte tui na zawng leh a thiam thil te dap chhuah sak a, engtin nge hmantlak tur leh tangkai turin kan chher chhuah ang tih te hi kan ngaihtuah fo hi a tha a ni a ti bawk. Zirlai te pawh hian Discipline kan neih a pawimawh hle a Discipline neilo naupang an chhawrtlak ngai loh a ni a ti tawk.