Mizoram Excise & Narcotics te chuan ni 20 September, 2012 khan Pseudoepherdrine tablet 24,43,200 (Nuai sawmhnih pali singli sangthum zahnih) an man a, heng Damdawi neitute hi NDPS Act, 1985 hmanga thubuai siamsak nghal an ni.
Ni 20 September 2012 tlai Dar 3:00 khan Pseudeopherine (OMCET) tablet 10,15,200 (nuai sawm singkhat sangnga zahnih) chu Ch.Saprawnga Truck Terminal Rangvamual ah an man a, a neitu mipahnih (1) Rothangpuii (49) W/o R.K. Zonghina (L) Bungkawn Tlangveng, Aizawl leh (2) Vanlalliani (38) D/o R.Pakunga, Mission Veng, Aizawl te pawh Mission Veng ah man an ni. Heng Pseudoephedrine te hi Guwahati atanga an chah nia hriat a ni. Ch.Saprawnga Truck Terminal atang hian Pick-up motor hmanga lo la chhawng in an lo tlanpui hman a, chu chu umzuiin an mansak ta a ni.
Ch.Saprawnga Truck Terminal atang vek hian Pseudoepherdrine (REDIPOL) tablet 12,04,000 (nuai sawm pahnih sangli)an man a, a neitu Steven Lianzova (34) S/o D.L.Thanga (L) Chaltlang Lily veng chu an man bawk a. Hemi hnu hian Steven Lianzova Damdawi Dawr D. L. Drugs Store, Bawngkawn an check atangin Mizoram Excise & Narcotics te hian PEDIPOL tablet 2,24,000 (nuai hnih singhnih sangli) an man belh leh bawk a, a vaiin Steven Lianzova hnen atang hian Pseudoephedrine tablet 14,28,000 (Nuai saawmpali singhnih sangriat) an mansak a ni. Damdawi te hi Delhi atanga an chah nia hriat a ni thung. A ni hi 6:00PM a man a ni.
