Kum 2019-2020 Academic Session-a Mizoram tana Central Pool MBBS/BDS Seat chungchangah Higher & Technical Education Department chuan hetiang hian thil awmdan an sawifiah a ni :

 

India sorkar, Ministry of Health & Family Welfare chuan India rama State thenkhat, Medical Education lama hnufual bikte tan kum tin Central Pool Quota atangin MBBS leh BDS seat a pechhuak thin a. Kumin 2019-2020 academic session-ah hian kum hmasa lama Central Pool Quota MBBS seats lo dawng thin, kumina dawng ta lote an awm nual a, hei hi a chhan chu heng State-te hian anmahni puala Medical College an neih vang a nia, chungte chu :-

 

1. Arunachal Pradesh :

Kum 2018-2019 a dawn - MBBS-25, BDS-3

Kum 2019-2020 a dawn - MBBS-Nil, BDS-3

 

2. Manipur :

Kum 2018-2019 a dawn - MBBS-5, BDS-Nil

Kum 2019-2020 a dawn - MBBS-Nil, BDS-Nil

 

3. Mizoram :

Kum 2018-2019 a dawn - MBBS-18, BDS-7

Kum 2019-2020 a dawn - MBBS-Nil, BDS-5

 

4. Daman & Diu :

Kum 2018-2019 a dawn - MBBS-8, BDS-2

Kum 2019-2020 a dawn - MBBS-Nil, BDS-2

 

5. Dadar & Nagar Haveli :

Kum 2018-2019 a dawn - MBBS-9, BDS-2

Kum 2019-2020 a dawn - MBBS-Nil, BDS-2

 

Kum hmasa lama MBBS Central Pool Quota lo dawng thin anmahni puala Medical College an neih loh vanga kumina la dawng zelte chu hengte hi an ni :

 

1. Meghalaya :

Kum 2018-2019 a dawn - MBBS-42, BDS-3

Kum 2019-2020 a dawn - MBBS-50, BDS-3

 

2. Nagaland :

Kum 2018-2019 a dawn - MBBS-30, BDS-3

Kum 2019-2020 a dawn - MBBS-40, BDS-3

 

3. Lakshadweep :

Kum 2018-2019 a dawn - MBBS-2, BDS-2

Kum 2019-2020 a dawn - MBBS-4, BDS-2

 

4. Sikkim :

Kum 2018-2019 a dawn - MBBS-4, BDS-3

Kum 2019-2020 a dawn - MBBS-4, BDS-3

 

Central Sorkar chuan Ministry of Health & Family Welfare kaltlangin Zoram Medical College (ZMC) din nan sum tam tak a rawn pe a, chuvangin Mizoram-in Medical College a nei ve ta a. Nikum lamah ZMC-ah Mizoram chu seat 100 admission pek a ni a, kuminah pawh seat 100 bawk pek leh a ni leh dawn a. Heng avang hian dan angin Mizoram State chuan Central Pool Quota MBBS dawng tur a ni tawh lova, Central Sorkar hmuhdanah chuan mahni kea ding thei leh puitling tawh ang a lo ni ta a, hei hi sorkar lam atang chuan thil lawmawm tak a ni zawk a ni.