Tukin zing khan Dr. K. Beichhua, Hon'ble Minister I/c  SWD,AH&Vety etc.chuan ECM Kohhran enkawl lai AGAPE HOME, Near Amôbyu Vaihthieh (Zero) chu a tlawh.

Rev. Dr. S.T. Zawsi, Secretary i/c Social Mission leh Pi Debbie Fachhai, Home hotunu bakah thawktuten lawm takin Minister leh atawiawmtu te an lo dawngsawng.

Agape Home enkawltute hian Minister hnenah, MLALADS atanga Rs. 6.00 Lakhs hmanga Building tha tak a saksak avang leh kawng hrang hranga anmahni tanpui a inhuam reng avang tein lawmthu an lo hrilh a, thlamuanthlak an ti thu leh ngaihven zui zel tura an duh thu te an lo thlen bawk a ni.

Agape Home-ah hian tun dinhmunah thawktu 6 awmin, enkawl lai mi 5 an awm a. Inmate te hian taksa damna chauh nilovin thlarau damna an chan theih nana enkawlna pek an ni.

Programme tawite hman a ni a, Rev. Dr. S.T. Zawsi chuan lawmthu sawina neiin, an mamawhte chu  Minister hnenah a thlen a, Pathian hnenah lawmthu sawina leh  malsawm tawngtaina hun a hmang bawk. Pi Debbie Fachhai, Coordinator, Managing Board leh thawhpui ten thingpui tui tak an lo buatsaihsak chu lawm takin an inho a, Minister leh tawiawmtute hian Lawngtlai an pan nghal a ni.

Minister hi a nupui Dr. Zochhuanawmi; Dr. Hmarkunga, Director, AH&Vety; Pi Vanlalpianpuii, Director, W&CD; Pi Vanlalzawni, Director, SWD; Pu Ngurchungnunga, Commissioner, E&ND; Pu Rozawna, Joint Director, Sericulture; Pi Laldinpuii, Dy. Director, SWD; Pu Lalthankima, AE, SWD; Pu Ramdinliana, Member, Vety & Fishery Board; Pi Malsawmtluangi, SDO (Sadar) Siaha District; Pu Abraham Beirazi Khithie, MCS, Private Secretary to Minister & Under Secretary, SWD bakah MNF District Headquarters, Siaha hruaitu thenkhat ten an tawiawm a ni.

Minister hian vawiin vekah Lawngtlai a LIKBK Kohhran enkawl Lairam Rescue Centre Building sakna tur lungphum a phum nghal ang.