611/2023-2024

Aizawl, the 27^th May 2023: Vawiin tlai khan Raj Bhavan-ah Pu Alok Kumar, Secretary, Ministry of Power, Government of India chuan Governor Dr Hari Babu Kambhampati a hmu a.  Mizorama luiluang hmanga  Kawlphetha siam chungchang leh a kaihhnawih thil pawimawh a sawipui.

Governor Dr Hari Babu Kambhampati chuan Central Power Secretary Pu Alok Kumar chu Mizoramah lo lawmin a rawn kal chhan chu Mizoram tana thil pawimawh ber zinga mi a ni tih a lo hrilh a. Mizoramah Kawlphetha tam tham tak siam theihna tur lui luang nei mah ila, sum lamah harsatna kan tawh avangin, kawng dang dapin Union Power Minister te pawh a lo hmuh thin thu te a sawi a. Power siam chhuah kawngah hna thawh theihna a nih dawn chuan Central PSU te pawh sawm luh mai a finthlak thu te leh thil tul dang te pawh State Power Minister leh Official te a sawi pui fo tawh tih a sawi bawk. Governor chuan Central Power Secretary Pu Alok Kumar  thilhmuh dan te zawtin, engemaw ti kawng tala Mizoramin Power siam chhuah belh dan kawng zawnpui turin a sawm a. Mizoramin Kawlphetha hman tur kham khawp a neih hunah chuan thilsiamchhuahna hmun tam tak a awm belh anga, state revenue pawh a pung dawn a ni a ti.

Pu Alok Kumar, Secretary, Ministry of Power, Government of India chuan Power & Electricity, Government of Mizoram aiawh, Commissioner & Secretary hovin Engineer-in-Chief leh a hnuaia Engineer te nen in kawmna hlawhtling tak an neih thu Governor hi a hrilh a. An sawiho na eng atangin Mizoramah Kawlphetha siamchhuah belh na turin Hydroelectricity Power Plant lian deuh din tura kawng zawn a ni dawn tih a sawi a. Central Power Secretary chuan Hydel Plant te deuh din chu thil tih chi niin a hriat loh thu a sawi a. Hydel Project te tham deuh Mw 200 chin tal loah chuan eng chhit man, unit khatah cheng tam tak chawi a ngai a, a fuh lo a. Hydro Power plant kan din dawn a nih chuan Mw 200 chunglam kan en a ngai a. Hetiang Mw pechhuak chinah chuan Unite khat hralhna man pawh a chawi tu tan a zia awm deuh a. Chutiang chu vawiinah pawh state official te nena an sawiho a ni tih a sawi.

Pu Alok Kumar, Secretary, Ministry of Power, Government of India chuan P&E Department, Government of Mizoram hotute nen an inthu a inhmuh avanga lawmawm a tih thu a sawi a. P&E, Govt Of Mizoram hotute chu an veng va in project lian tham enkawl turin experience an nei tha tawk nia a hriat thu a sawi tel bawk.