610/2023-2024
Dated Aizawl the 27th May 2023: Vawiin khan Pu Alok Kumar IAS, Secretary, Ministry of Power, Government of India chuan Mizoram Power and Electricity Department buatsaih Work review Meeting a hmanpui.
He meeting-ah hian khuallian, Pu Alok Kumar chuan thu sawiin, India sawrkar chuan mitin tan an nitin khawsak rel kawnga electric eng a pawimawh zia a hria a; electric eng chhit man tlawm, mitin thleng zo leh boruak ti bawlhhlawh lo mipuite hnena thlen hi a tum ber pakhat a ni, a ti.
India Energy Transition chungchang pawh sawiin sawrkar chuan thil pahnih ngaih pawimawh zual a nei a, chungte chu; thingtlang kilkhawr thleng phak power quality tha pek leh electric eng chhitin a behbawm zawng zawng chu mipuite tana phurrit lutuk nilova , a pe chhuaktu in chawm zo tho si pek chhuah a ni, a ti.
Mizoram ah eng lakna chi hrang hrang a awm nual a, chung zingah chuan pump storage system hmanga kawlphetha siam chhuah chu nakina India energy transition chungchang ah pawh ram pum entawntlak a la ni thei a ni, a ti.
RDSS chungchang pawh sawiin Smart prepaid metering chu a pawimawh hle a, hun lokal zel tur ah Mizoram chu 90% billing efficiency thleng tura hma la turin a fuih a ni.
Pu H. Lalengmawia, Secretary, Power and Electricity Department, Government of Mizoram pawhin thu sawiin, Power Secretary, Government of India in a lo tlawh avangin lawmthu a sawi a. A hun tawt tak kara, a hmun ngei a an dinhmun leh hmasawnnate en tur a a hun leh tha seng a alo kal avangin lawmthu a sawi a. Mizoram a lo kal theihna atana chhan pawimawh tak Chief Secretary hnenah lawmthu a sawi bawk.
Pu Lalengmawia chuan RDSS scheme chu sawrkar in a bawhzui mek thu a sawi a. Smart metering ah bidding process in hun a duh rei deuh a, amaherawhchu tun dinhmun ah chuan June ni 15 hun tiam ral hma a ruahmanna te peihfel a hna tan ngei a nih a beisei thu a sawi.
Vawiin a meeting ah hian Mizoram Power and Electricity Department chuan Mizoram-a Power dinhmun PowerPoint in an present a. Tunhnaia Department dinhmun leh RDSS chungchanga hmalakna kalpui mek leh an project ruahman lawk dang te tarlan a ni. Powergrid atang pawh in aiawh, Pu K K Gupta, Chief General Manager (nerpsip in charge) lo kalin an hnathawh tlangpui tarlanna presentation an nei bawk.
Vawiin inhmuhkhawmna ah hian, Pu Alok Kumar bakah Pu H. Lalengmawia, Secretary, Power and Electricity Department , Government of Mizoram leh Er. Lalhmingliani Hmar, Engineer in Chief, Power and Electricity Department, Government of Mizoram te leh Mizoram Power Department-a mi pawimawh tak tak te an tel a, Powergrid, NEEPCO te aiawh leh sawmbik mi pawimawhte pawh an tel a bawk a ni.
Attachment
- Loading attachment...
