1150/2022-2023 
Mamit 5th July, 2022 : Shri Umakant IFoS Jt. Secretary (WM), Central Prabhari Officer for Aspirational District, Mamit chuan vawiin khan Darlak, Bawngva leh Mamit khua-a Central leh State Sawrkar atanga hmasawnna hna thawh hrang hrangte a tlawh.

Shri Umakant chuan Darlak leh Bawngva mipuite hma-ah thu sawiin, Aspirational District atangin District changkang zawkte anga dinhmun tha kan neih theih nan khaw neitu mipui kan pawimawh ber a, Sawrkar chuan mipuite chawikanna turin hna a thawk zel dawn a, chutihrual chuan tih theih kan nei ve a ni tih in hriat a tul a ni tiin, he hmasawnna kawng kan zawh mekah hian nangmahni contribution a pawimawh hle dawn a, ei leh barah pawh kan intodelhnan keimahni kan pawimawh ber zel a ni a ti.

CPO chuan Darlak leh Bawngva mipui chawikan nan Core Committee din tha a tih thu sawiin thlatin vawikhat tal thutkhawm thin nise, Core Committee member-te chuan Integrated Farming System siamin, midangte tana entawn tur role model in ni dawn a ni a ti. Jal Shakti Abhiyan hnuaia hmalakna chuan fur ruahtui khawl dan tura hmalakna a theih angin a pui dawn a, tui hnianghnar tak in nei thei dawn a ni a ti bawk. Darlak leh Bawngva mipuite chu an buh leh bal thlaitharte dehchhuah leh tihpun bakah tha taka vawn reng a nih theih nan a dah thatna tur Cold Storage-te pawh ngaihtuah sak an nih dawn thu sawiin hriselna kawnga hmasawn kan mamawhna-ah Sawrkarin theihtawp a chhuah zel dawn a, District hmasawn ber kan nih theihna turin thawhhona tha tak hnuaiah theihtawp chhuah zel turin khawtlang mipuite a sawm.

Darlak leh Bawngva khua-ah hian Aspirational District atanga inkhaichhuah nan Core Development Committee vawiin hian mipui kalkhawm atangin member panga (5) awmna din nghal a ni a. An ni hian hmasawnna kawnga role model ni tura plan siam leh hmalak dan tur duangin thlakhatah vawi khat (1) tal an thukhawm thin dawn a ni. Heng khaw pahnihte role model an nih theih nan hian tan lak anih dawn thu CPO hian a sawi bawk.

CPO hian vawiin hian Darlak leh Bawngva khua-a Anganwadi Centre, Farm Ponds bakah Mamit khawpui chhungah BRC, Govt. Mamit College bakah District Hospital-te tlawhin Concern Officials te'n CPO hi lo dawngsawngin an harsatna neihte sutkianpui tur in an ngen a ni.

Shri Umakant Jt. Secretary hi Dr. Kanhu Charan Sahu, Scientist 'C' Ministry of Jal Shakti, Department of Water Resources Gov't of India bakah Mamit atangin DC, Addl DC, SDO (Sadar), BDO Zawlnuam, Nodal Officer/SDO, PHED, JSA-CTR-te leh Sawrkar Officials dang te'n an tawiawm a ni.