1149/2022-2023 
Siaha; the 5th July,2022 : Vawiin chawhnu dar 12:30Pm khan DPRC (SIRD&PR) Conference Hall, Meisavaih, Siaha-ah Mizoram Youth Commission, DC Office, SIRD &PR te tangkawpa buatsaih Covid-19 pandemic vanga hmun danga inhlawh lo hawh (Returned Migrant Workers) te tana buatsaih Cement mistiri Training kharna hun hman a ni. He hun Pu Donny Lalruatsanga,Addl.DC chuan kaihruaiin, Pu Lalsangliana, district bawrhsap chuan khuallian niin hun a hmanpui.

Khuallian Pu Lalsangliana chuan thusawina hun hmangin, hetianga Mizoram Youth Commission, DC office leh SIRD &PR te tangkawpin in Siaha thalai, hmun danga ei zawnga awm Covid-19 hripui avanga mahni hna kalsan a lo let te hmakhua ngaia training a buatsaih tha taka hmawr kan bawk thei chu lawmawm a ti thu sawiin, Thalai mi 27 zet Cement Mistiri kan han nei thar tur ringawt pawh hi Siaha district tan hmasawnna rahbi thar pakhat a ni, a ti.Pu Sangtea chuan in Training atangin eizawnna khawp thiamna(Skill) in pawchhuak ngei ka beisei a, thiam taka inchher tur erawh chuan nangmahni-ah a innghat tawh, thiamna(Skill) bulfuk in nei tawh a, a chher hriam leh zual zel chu nangmahni inpekna leh tumruhnaah a in nghat a ni, tiin fuihna thu chah sawiin, Trainees te an kalna zel turah duhsakna a hlan hlawm a ni.

Pu Lalroliana Tochhawng, Trainer ,SIRD in Training an kalpui dan leh Training course tlangpui report a pe a, training hi tahrik ni 16/6/2022 a tan a ni thu a tarlang bawk.

Trainees te hnenah hian Khuallian hian Certificate+Post Training Materials( item- 9) +Rs.1000/- theuh a hlan hlawm a ni.

Vawiin Training kharna inkhawm hi Pu Reuben Kompa,DLEO(LESDE),Siaha in lawmthu sawina in a khar ta a ni.