Vawiin chawhma khan Tourism Hall Reiek ah Pu Dharam Pal, IAS, Central Prabhari Officer for Mamit Aspirational District and Additional Secretary to the Govt. of India, Department of Fertilizers chuan Mamit District kawng hrang hranga dawmkan anih theih nana hmalaknate chu a buaipuitu department hrang hrangte nen en hona hun an hmang a, Dr C Lalrozama, IAS, DC Mamit in he hun hi kaihruaiin Pu Lalnunmawia Chuaungo, Chief Secretary, line department Secretary leh Director leh Mamit district a department hrang hrang aiawhte he hunah hian an tel a ni.

Pu Dharam Pal, IAS, Central Prabhari Officer for Mamit Aspirational District chuan,’Mamit district a hmasawnnate chu tehfung 49 hmanga teh a ni a, heng 49 key performance indicators zinga kan hnufual zualna awm thei hrang hrangahte hian sawrkar department tin ten kan mawhphurna leh chanvo te zir chiangin hma ila tlang zel ang u,’ a ti a, hmasawnna kalpuina kawngah department hrang hrangte tanrual a pawimawh thu a sawi bawk a ni.

Pu Lalnunmawia Chuaungo, Chief Secretary chuan Mizoram Sawrkara hotu thahnem tak he thutkhawmnaa anlo tel thei hian Mamit Aspirational District a hmalaknate kan ngaih pawimawh tlan zia a ti lang a ni, a ti a, rah tha a chhuah ngei a beisei thu a sawiin, District a hmasawnna mumal leh chak zawka kal tur chuan district chhunga Sawrkar department hrang hrangte inkara indawrtawnna tha leh thutkhawm a thu rel hona hun tha neih thin a pawimawh thu a sawi bawk a ni.

Vawiin Mamit Aspirational district thlir hona neihah hian Composite indicators Panga (5) en a ni a, chungte chu 49 key performance indicator a then leh niin Data points pu a siam leh theuh an ni. Health & Nutrition hian 30% luah in a hnuaiah hian Indicators 13 a awm a, Education pawhin 30% luah in Indicators 8, Agriculture & Water Resources in 20% leh Indicators 10, Basic Infrastructure in 10% leh Indicators 7, Financial Inclusion and Skill development in 10% leh 11 Indicators an nei bawk a, a zavaia belhkhawm hian data points 81 a awm a ni. July 2019 thla atana Niti Aayog in Delta Ranking a tihchhuah ah India ram puma Aspirational district 115 thlanchhuahte zingah Mamit district chu 37 na a ni a, Education ah Delta Ranking Pakhatna leh Financial Inclusion & Skill development ah Delta Ranking Panga (5) na a hauh bawk a ni. Mamit district chhunga department hrang hrangten heng Indicators a data points ah hma an sawn theih dan turte, harsatna awm mek te leh a sutkian dan turte ngun tak a rel a ni.