Vawiin khan Health & Family Welfare Department Mizoram hnuaia Nursing Programme hrang hrang hmalakna endik tura rawn kal, Dr. Josephine Little Flower, Nursing Adviser to Government of India, Health & Family Welfare leh Dr. Tanu Sri Sahu, Senior Research Officer, NIAHS, TSU. Ministry of Health & Family Welfare te chuan Mizoram an lo thleng.

Dr. Josephine leh Dr Tanu Sri Sahu te hi Health Department hotu te leh Nursing lama hotu te bakah Nursing Association hruaitu ten Secretariat Conference Hall ah lo lawmin Mizorama Nursing Service hrang hrang hmalakna leh mamawhte sawi ho a ni. ANM leh GNM building tur sak mekte thlir ho a ni a. Nursing lama hmasawnna kan neih a tul thu leh Central lam duh dan anga Nursing Directorate neih a tulzia te sawiho a ni. Central lam atanga tanpuina hmuh thin dan te thlirho niin Central Team te hian hmalakna tha an tih thu an sawi.

New Secretariat-a hun hman zawh a nih hnu hian Mizoram College of Nursing (MCON) ah Practical demonstation Online Scheme Monitoring System tih dan, Online Registration tih dan leh Nursing hmalakna report dan te a taka zirho a ni a. Central mi pawimawh te hian MCON building te en nghalin building sak dan kalhmang pawh tha an tih thu an sawi a ni.