Nizan thimhlim ah khan Pu HK Das, Member Secretary, National Commission for De-notified Nomadic and Semi-Nomadic Tribes, Government of India, Pu Shravan Singh Rathod, Member, NCDNT, Dr. BK Lodhi, Deputy Secretary leh Pu Pooran Singh, Consultant te chuan Governor Lt Gen Nirbhay Sharma (Retd.) chu a chenna Raj Bhavan ah kawm in Mizoram a cheng hnam thenkhat chungchang rawn hriat chian an duh thu leh state sawrkar puihna an mamawh thu an hrilh.
Governor Lt Gen Nirbhay Sharma (Retd.) chuan a inleng te chu lo kawm in Mizoram ah awmna neilo leh hmun pakhat a awmna nget khuar lova pem kual mai thin a la hriat mai loh thu leh sawrkar ration card neilo chhungkua an awm loh thu a hrilh a. Mizoram chhunga cheng hnam chi hrang hrang te chu sawrkar in a chhinchhiah leh hnam anga sawrkar in a pawm vek an nih thu a tarlang a. Central sawrkar hmalak erawh Mizoram in a thlawp thu leh National Commission for De-notified Nomadic and Semi-Nomadic Tribes, Government of India hriat duh zawng zawng chu Mizoram sawrkar in a lo hrilh theih tur thu central official te hi a hrilh a ni.
- Loading attachment...