Zan khat riaka Mizoram lo zin Sorkar Laipuia Union Minister for Agriculture & Farmers Welfare Pu Radha Mohan Singh chuan nizan khan Chief Minister Pu Lal Thanhawla chu a chenna in Chief Minister Bangla ah hmuin inkawm hona hun tha tak an nei a. Chief Minister hian Union Minister hi zanriah a buatsaih sak nghal a ni.

Union Minister for Agriculture & Farmers Welfare Pu Radha Mohan Singh chuan hun chep tak karah Mizoram Sawrkar in tha taka amah an lo dawnsawn avangin Chief Minister hnenah lawmthu a sawi a. Pu Lal Thanhawla chuan Mizoram Sorkarin ei leh bar thar chhuahna lama hma a lak dante Union Minister hi hrilhin loneitu hamthatna leh an hmakhua te chu Mizoram Sorkar ngaihpawimawh berte zing ami anih thu a sawi a. Union Minister chuan Horticulture College, lung phum phum a ni ta leh kumin July a he College a zirna tan  tum a ni chu Mizoram leh Hmarchhak tan hmasawnna a nih ngei a beisei thu a sawi a. Thla thum chhungin a Ministry kaltlangin Vocational Training Institute leh Multi Technology Testing Centre te chu Mizoram ah din anih tur thu Chief Minister a hrilh bawk a ni.