No.2487/2021-2022
Aizawl, 5th October, 2021 : Mizorama COVID-19 hripui darh mek zirchiang tura sawrkar laipuiin a rawn tirh Multi Disciplinary Covid-19 Study Team chuan vawiin khan Mizoram an rawn thleng a, vawiin tlai dar 4:00 khan State Integrated Disease Surveillance Programme (IDSP) , Chief Medical Officer (CMO) Aizawl East leh Aizawl West a officer te nen an thukhawm nghal.

He meeting hi Dr.Pachuau Lalmalsawma, State Nodal Officer, Covid-19 in kaihruaiin, Aizawl District a Covid-19 dona a hmalakna chi hrang hrang an thlirin an zirho a ni.

Central Team Covid-19 zirtura lo kalte hian naktuk chawhnu dar 2:00 ah District hrang hrang a Chief Medical Officer te nen Video Conference an neih hnuah CMO, Aizawl West huamchhung a Covid-19 damlo te enkawlna hmun an tlawh ang a, naktip October ni 7 ah Champhai District a Covid-19 dinhmun zirchiang turin Aizawl an chhuah san ang.

Multi Disciplinary Covid-19 Study Team member rawn kalte hi :

1. National Centre for Disease Control (NCDC), Delhi atangin:-
a) Dr. Vinita Gupta,Consulttant Epidemiologist, NCDC,Delhi
b) Dr.Varun Singh, Epidemilogist, NCDC Delhi

2. Regional Office, Ministry of Health & Family Welfare, Imphal atangin:
a) Dr.LA Singh, Regional Director
b) Dr.RK Priyabata Singh, CMO (SAG)