No.2486/2021-2022
Aizawl, 5th October, 2021 : Hnahthial khawpui chhung veng hrang hrang in SBM-Urban Brand Ambassador atan an thlan mi 8 te chu vawiin khan DC's Conference Hall Hanhthial-ah an hmalakna tur hrilhriatna neih niin Pu Lalremruata Sailo, SDO (Sadar) leh DUDO ni bawk chuan hmanpuiin nitina an khawsakna hmunah Faina kawnga midangte entawn tlak leh kawhhmuhtu ni tur an ni tih inhre renga hma la thin turin a chah a, T-shirt leh Bag a hlan theuh bawk a ni.

Hemi hnu hian UD&PA Hnahthial leh Eco Club, Government Hnahthial College tangtlang chuan India zalenna kum 75 lawmna Azadi Ka Amrit Mahotsav leh Faina Hapta 2021 pualin Hnahthial khawpui chhungah Plastic hman nawn theihloh chi hmang lo tura inzirtirna leh chhar fai hnatlang an thawk a, District bawrhsap charge la mektu Pi Saizikpuii Addl.DC chuan hnatlang turte hi DC Office kawt tual atangin a vailiam a, Plastic atanga siamchuah hman nawn theih loh ang chi te chu leilung leh boruak ti chhetu an nih avangin khawvelin a buapui nasat thu sawiin chutiang laka fihlim tura inzirtirna Govt Hnahthial College Eco Club-in an kalpui chu lawmawm a tih thu leh an awmna hmun a piangah an hmalakna chu kalpui chhunzawm zel turin a chah bawk a ni