No.2488/2021-2022

Aizawl Khuangchawi thla ni 5, 2021: October ni 2 leh ni 8, 2021 inkar chhunga India ram puma Faina Hapta hman mekah Lawngtlai District chhungah pawh faina kawngah hma lak chhoh mek a ni a. Urban Development & Poverty Alleviation (UD&PA) Department hma laknaa Faina Hapta chhunga faina beihpui thlak dan tur ruahman sa angin Lawngtlai khawpuiah pawh hma lak chhoh mek a ni.

Vawiin Faina Hapta ni 3-na kha 'mahni in leh a chhehvel tihfai ni' atana ruahman a nih angin UD&PA Department, Lawngtlai District bul tumin Lawngtlai khawpui chhungah Village Council-te kaihhruaiin veng hrang hrangah veng mipuite'n mahni in leh a vel tifaiin hun an hmang hlawm a. Heti anga hun hmang tur hian VC tlangau hmangin mipui hnena puanzar a nih bakah, VC-te'n hnatlang an ko hlawm bawk a ni.

Naktuk, Faina Hapta ni 4-na hi khaw chhung leh veng chhung tihfai hnatlang thawh nan ruahman a ni a. No Tolerance Day atan hman nghal tur niin, hemi ni hian bawlhhlawh paihna tur hmun ni lova bawlhhlawh paih leh khawlaia chil chhak te chu dan anga hrem zel an ni dawn a. Lawngtlai khawpui chhungah chuan thuneitute'n khawpui fang kualin, dan bawhchhiate chu The Lawngtlai Town Solid Waste Management Bye-Laws, 2019 leh The Lawngtlai Town Plastic Waste Management Bye-Laws, 2019 hmangin an hrem zel dawn a ni.

Lawngtlai khawpui chhunga No Tolerance Day-a hremna lekkawh turte chu:

1. Khawlai/kawng dunga bawlhhlawh paih: Rs 500 - Rs 2,000 chawitir

2. Khawlaia chil chhak: Rs 500 - Rs 2,000 chawitir

3.  Khawlaia zunram thiar: Rs 500 - Rs 2,000 chawitir

Dan bawhchhia hrem theitute chu:

1. Senior Sanitation Officer, LADC
2. Inspector, Sanitation Department, LADC
3. Village Council-te (an veng huam chhungah)
4. Local Ambassador-te (an veng huam chhungah)

Attachment

  • Loading attachment...