3153/2024-2025

AIZAWL; the 22nd November, 2024: Vawiin chhun (12:00) khan DC Conference Hall-ah Aizawl district bawrhsap Er.Lalhriatpuia, IAS kaihruaina hnuaiah Central Scheme thar PM- DAJGUA (Dharti Aaba Janjatiya Gram Utkarsh Abhiyan) Sensitization/debriefing meeting neih a ni.

PM-DAJGUA hi Ministry 17 laiin Tribal community-te socio-economic dinhmun siamthat a, tribal chhungkua leh tribal tam zawkna khua-te, aspirational block-a khuate, tribal population tam tak awmna te, basic facilities hmanga chawikan vek tura thawhhona scheme a ni a. Ministry of Tribal Affairs (MoTA) hi Nodal Agency a ni. Mizoram tana Nodal department chu SW&TA a ni.

Kalpui tum dan: Hmunhma hmantheih tur tihchangtlun; Tribal tamna khaw thlanbikte intodelhna kawnga an dinhmun tihchangtlun.

A hun chhung: Kum 5 chhung (2024-25 atanga (2028-29) thleng .He Scheme hian India ram chhunga district 549, block 2911 leh Khaw 63,843 chhunga tribal mi vaibelchhe 5.38 a huam ang. Mizoramah pawh khaw 383-ah hman a ni ve ang a, Aizawl district chhunga khaw 42 a kalpui a ni ang.

Mipui thlan dan tur: Tribal khua a mi 500 emaw a aia tam chenna, a mi cheng za a 50% tal Tribal an ni tur a ni.- Aspirational blocks chhunga mi 50 emaw a aia tam cheng awmna khua a ni tur a ni.

Funding: DAPST (Development Action Plan for Scheduled Tribes) atangin kum 5 chhung tan india ram pumpui tan cheng vaiblechhia ₹79,156 ruahhman a ni a. Central leh State Fund sharing hi 90:10 ratio niin, Scheme thenkhatah erawh100% central te pawh a tel.

 kalpui dan tur ruahhmanna:

        I.            Central leh State level-ah ruahhmanna kalpui a ni tihchian

      II.             Chhungkua leh khawtlang level-a inthlauhna awmte hriatchhuah

    III.              Ministry tinte tana target siam a, budget ruahmanna fel tak duan

   IV.               Hun tiam chhunga a nih tur ang nih tir

     V.           Development Action Plan for Scheduled Tribe (DAPST) sum te tangkai taka hman

   VI.            PM Gati Shakti Dashboard aṭanga Digital monitoring neih

 VII.            Central leh State level-ah ruahmanna kalpui a ni tihchian

VIII.            Hlawkpui tur zawng zawng tana IEC campaign neih Kar awl leh Budget tihchian

   IX.         PM GatiShakti Portal-a map siam tura Abhiyan hnuaia tribal chhungkua/khua huam tir

      X.            Antyodaya Mission (2022-23)-in a scheme bik mamawhna atana concerned line partment-in validate tur gaps hmuhchhuah.

   XI.            A țulna hmun apiangah Line Department-te intervention bik atan budget head hran hawn a ni ang. 

Dharti Aaba Janjatiya Gram Utkarsh Abhiyan (DAJGUA) mamawh chhan:

1)      Development Action Plan for Scheduled Tribe (DAPST) leh State Tribal Sub Plan-under allocation, Underutilization leh National expenditure hnuaia sum tam tak haichhuah nan

2)      Hmunhma lama chhungkua leh khawtlang a indaihlohna sutkian nan

3)      Khawtlang hriselna te, zirna lam leh reitheihna umbo nan

4)      PM JANMAN ang scheme hlawhtling tak takte tihchangtlun a, khaw hrang hrangte tha taka target leh sector hrang hranga thawhhona tha siam.

Vawiin meeting-ah hian Block Level Implementing Team (BLIT) ruat chungchang te, District leh Block level-a Department hrang hrang atanga Nodal officer tur ruat chungchang te, IEC campaign dan tur chungchang te leh Fund leh materials sem dan tur chungchang te rel a ni.