3154/2024-2025

2024 Sahmulphah thla ni 22: Nimin khan Lunglei District Level Advisory Committee on Safe Food & Healthy Diets chu Additional Deputy Commissioner Pu James Miahlung kaihhruaiin a office chamber-ah an ṭhu khawm.

He ṭhut khawmah hian ei leh in hrisel leh thianghlimna kawnga hmasawn theihna tur ruahmanna hrang hrang sawi ho a ni a. Tehfung hrang hrang hmanga Lunglei khawpui chhunga ei leh in siamna hmunte endik dan report ngaihthlak niin, hmachhawp la awm leh hma lak zui dan tur sawi ho a ni a. Food Safety Officer-in hriattirna a lo pek tawh thingpui dawr 12 te'n inkaihhruaina an zawm leh zawm loh chu enfiah leh ni se, thingpui dawr leh restaurant leh catering la endik lohte pawh endik chhunzawm ni se, tih a ni.

Lunglei District Level Advisory Committee on Safe Food & Healthy Diets bul tum hian Directorate of Health Services, Aizawl hnuaia Food & Drugs Administration te nen November thla tawp hian Lungleia thingpui dawr, hotel leh restaurant siam, kawtthlera ei tur zuar, catering siam leh ei leh in siam leh zuarte tan faina, thianghlimna leh hriselna inzirtirna (sensitisation training) buatsaih tum niin, hemi rual hian food licensing camp neih pah tum a ni bawk.