No.2263/2021-2022
Aizawl the 17th September, 2021 : Vawiin chawhnu khan School Education Minister Pu Lalchhandama Ralte chuan Pi Anita Karwal Secretary, Department of School Education and Literacy, Ministry of Education hmuin Mizoram zirna atana thil pawimawh chi hrang hrangte a thlen a. Secretary, MoE chuan School Education Minister thu thlen Hindi Teacher 314 lak thar chu trained chauh lak rem a tih thu a hrilh a,  ram thenawm Myanmar atanga Mizoram chhunga Mizo unau raltlan naupangten zirna an chhunzawm theih nan an mamawh pek an nih tur thu  Minister hi a hrilh nghal bawk.

Pu Lalchhandama Ralte chuan Anita Karwal hnenah hian Mizoramin tun dinhmunah ram thenawm atangin raltlan thahnem tak an neih thu leh heng zingah hian school kal rual naupang thahnem tak an awm thu te, heng mite hi nitin an la pun zel thu leh Mizorama zirna an chhunzawm theih nan hma an lak tawh thu te, heng raltlan naupangte tan hian chaw chhun, a thlawna zirlaibu leh uniform te Ministry of Education-in ngaihtuahsak turin a ngen a. Pi Anita Karwal hian raltlan naupangte dinhmun tarlanna data hi pe tur leh chumi mila chhawmdawlna an lo pek tur thu a hrilh a ni.

School Education Minister chuan Hindi Teacher leh raltlan naupangte zirna tur chungchang bakah hian Mizoram zirna atana mamawh chi hrang hrangte Secretary Ministry of Education hnenah hian a thlen nghal bawk.

School Education Minister-in sorkar laipui a dawrnaah hian Minister hi Pu Lalhmachhuana SPD Samagra Shiksha-in a tawiawm a ni.