Hmarchhaka hnam hrang hrangte ziarang (culture) leh an chanchin Delhi leh ram chhung hmun danga thehdarhna lama hmalatu tur Centre for North East Culture chu nimin khan hawn a ni a. He Centre hi Minister of DoNER leh Chairman North Eastern Council ni bawk Pu Paban Singh Ghatowar leh Minister of Culture Pi Kumari Shelja ten an hawng a ni.

He Center hi Ministry of Culture hnuaia Centre for Cultural Resources & Training Dwarka Delhi atangin bul tan a ni dawn a. Centre enkawlna tur tha leh sum chu North Eastern Council in a tirah chuan a tum ang a. Centre hawnna hi karkhat chhunga awh tur Craft Exhibition leh Mizo Peace Accord Exhibition in a zui a ni.