Vawiin khan Chief Electoral Officer (CEO) Mizoram, Pu Ashish Kundra, IAS chuan Champhai a lo thleng.

Pu Ashish Kundra hian Champhai a lo thlen hnuah District Bawrhsap Dr. Naveen Aggarwal kaihhruainain DC Complex a Election hmunhma Strong Room leh Counting Hall hrang hrang, MLA inthlan neih zawh taka hman te chu tlawhkualin a enfiah a ni.

Inthlanna hmunhma leh hmanrua te a enfiah hnuah DC Conference Hall ah DC Office a Officer te nen inkawmhona an nei zui nghal a, he hunah hian District Bawrhsap, Dr. Naveen Aggarwal chuan power point hmangin MLA inthlanna neih zawh taka inthlan kalpui a nih dan te, Champhai a mipui vote thlak thei awmzat tarlangin vote tla zat te a tarlang nghal a,  report a pek atanga CEO in zawhna a neih te chu a chhang nghal a ni. District Bawrhsap hian DC in strong room 5 a hman thin chu tih tawp a, a aia tlem zawk hman tawh nise tiin CEO hnenah hian a thlen nghal a ni. He hunah hian kum 2019 General Election lo awm tur chungchang CEO sawipuiin General Election lo awm tur atan an mamawh hrang hrangte a hnenah hian an thlen nghal a ni.

Inkawmhona an neih zawhah vawiin chawhnu lam khan Chief Electoral Officer (CEO) Mizoram, Pu Ashish Kundra, IAS hian Zokhawthar-a Strong room leh Counting Hall te enfiah turin Zokhawthar lam a pan leh nghal a ni.

Attachment

  • Loading attachment...