Vawiin khan Kolasib DAO Conference Hall ah Kumin 2019 kangmei venna hapta “Fire prevention week” hman dan tur relin Kolasib SDO(Sadar) V. Laldinsanga kaih hruaina hnuaiha “District Level Fire Prevention Committee “ ten meeting an nei.

Meeting ah hian Member Secretary Lalnunzira DFO chuan State level Committee-in kangmei ven hapta atan February 12-17,2018 alo ruahman tawh dan report a pe a,hei hi kalkhawm te chuan an sawiho hnuah kum kal ta a hmalakna zulzuiin kumin ah kangmei ven hapta hman dan tur hi rel ani

Committee chuan February ni 12-ah Kangmei ven Hapta hawnna St.Joseph Parish Hall ah neih nise a ti a, khuallian atan Conservator of Forest Pu Chuailova,IFS chu beisei niin hawnna huna tel tur hian Sorkar hnathawk hrang hrang, NGO hrang hrang hruaitu te te sawm nise an ti.

Hapta hman chhung hian Kangmei laka fimkhur atul zia zau thei ang bera puan zar nise an ti a, Lo hal hun hnuhnung ber atan March 15(Zirtawpni), 2019 chu khauh taka ken kawh nise an ti bawk. Hemi bakah hian District Administration lamin Kangmei tichhuak lo tura khapna thupek chhuah bawk se an ti a, dan bawhchhia te hremna tur leh a kaihhnawih te chu VC hrang hrang ah hriattir nise an tih bak ah, kangmei venna kawng a thawktha khua te hnen ah lawmman siam sak leh nise an ti bawk.

Meeting ah hian Kolasib khawchhung Department hotute leh Tlawmngai pawl hruaitu te an tel ani.