4533/2023-2024

Aizawl, 11.04.2024: Lok Sabha inthlanpui 2024 inbuatsaihna kal mekah tukin khan Bike Rally buatsaih a ni a. SVEEP (Systematic Voters Education & Electoral Participation) Aizawl District chuan mi tam zawkin vote an thlakna tura inhrilhriatna atan Bike Rally hi a buatsaih a, Bawngkawn Brigade Field atangin DEO Pi Nazuk Kumar chuan vailiam in, CEO Pu Madhup Vyas hovin biker thahnem takin Silaimual thleng an tlan a ni.

Rally pual inkhawm tawi buatsaih ah hian CEO Pu Madhup Vyas chuan Mizoramah MLA inthlana vote a tlak thah thin viau laiin Parliamentary election ah a tlahniam ziah zel chu ngaihpawimawh tul a tih thu a sawi a. Mipui zingah, a bik takin khawpui a chengte zingah vote hlutna leh vote nei te pawimawhna chu hriat thar leh tul a tih thu a sawi.

Pi Nazuk Kumar chuan vote thlak chu kum tling vote nei tawh phawt tan chuan kan dikna chanvo a nih piah lamah kan tihhlawntlin ngei ngei tur ‘civic duty’ a nih tel thu a sawi. Vote thlak tura mipui sawm tura biker te nen thawk hova hma an la thei chu lawmawm a tih thu sawi bawkin, biker te chu an discipline tha a tih thu a sawi a. Thalaite zingah vote thlak thuchah chu puanzar pui turin a sawm nghal bawk.

He Bike Rally ah hian Matchlezz Motor Cycle Club, Mizoram leh Biker Girls, Mizoram te an tel a ni.