149/2024-2025 

Khawzawl, 11th April 2024: Lok Sabha Inthlanpui 2024 neih tura inbuatsaihna kal zelah vawiin khan Khawzawl District, 22-Tuichang bial chhunga Booth Level Officer (BLO) te tan Khawzawl DC Meeting Hall-ah briefing buatsaih a ni a. Khawzawl District-a voter turnout 70% neih dan tur sawi ho a ni.

He hunah hian Khawzawl District Election Officer Pu K. Lalrohlua chuan kalkhawmte lawmna thu sawiin; Khawzawl District-ah kum 2018 aiin kum 2023 Inthlanpuiah vote za zela panga dawnin vote a tla tha zawk a ni tih a tarlang a, he mi kawnga BLO te hmalaknaah lawmthu a sawi a ni. Bawrhsap hian kum 2019 MP Election-ah India ram puma vote tla chawhrual chu za zela 67% a nih thu pawh tarlangin, tun Lok Sabha Inthlanpuiah  chuan Khawzawl District-ah vote za zela 70% tal a tlak ngei theih nan hmalak a nih thu a sawi a. Vote tha taka a tlak theih nan BLO te chu thahnemngaihna nen an bial chhungah theuh hma la turin a ngen a ni.

He hunah hian State Level Master Trainer Pi V. Lalmuanpuii, Project Director, DRDO; leh Election Officer Pu Timothy R. Lalhmangaiha ten BLO kalkhawmte hi zirtirna an pe a. Inthlan huna an hriattur pawimawh bakah an chanvo leh hriattur pawimawh te an hrilhfiah a, BLO te nen hian an tawnhriat sawi hoin training hlawkthlak tak an hmang a ni.