Vawiin khan Pu S.B Shashank, CEO chuan Mizorama Inthlan lo awm tura tana inbuatsaihna pawimawh tak pakhat taksa lama harsatna nei (Persons with Disabilities) te’n Polling Station-a vote an thlak theih dantur leh ruahmanna siam dan tur a Office Chamber-ah Social Welfare Department aiawh leh Samaritan Association for the Blind (S.A.B), Aizawl DC Dr. A.Muthamma leh Additional CEO Pi Lalzarmawii te nen sawi hona hun an nei a ni.

PwD te’n awlsam zawka vote an thlak theih nan Polling Station thenkhat te pawh sawn a nih tur thu te, Braille Enabled Panel Paper, Braille Enabled EVM te chhawp a nih dawn thu sawi a ni bawk a ni. Ruahmanna neih kawngah hian Social Welfare Department leh S.A.B te chuan theih tawpa hmalak pui leh awareness campaign pawh neihpui an intiam bawk a ni.