Mizoram sawrkar Flagship Program NEDP kaltlanga Sawrkar Department hrang hrangte’n an hmalakna tlangpui leh an hnathawh kalphungte sawi zauna hun ‘Multi Media Publicity Campaign’ neih dan tur chungchang vawiin khan DC Conference Hall, Champhaiah rel a ni.
Meeting hi Pu K.Vanlalthiana, Additional DC Champhai chuan kaihruaiin Champhai District-a department hrang hrangte chu hmasawnna ruhrel siam kawnga tan la zual tur leh abik takin kuthnathawktute chawikang tura theihtawp chhuah turin a chah a ni.
Campaign hi I&PR Department buatsaihin October Ni 1, 2018 hian I&PR Auditorium, CHANEM Building, Champhaia neih tura ruahman a ni a. He hunah hian Champhai District-a sawrkar Department-ten an hnathawh kalphung bakah an hmalakna leh hnathawh lian thamte leh hmachhawp an neihte sawi zauna hun an hmang dawn a. Mipui aiawh khawtlang hruaitute, NGO-te leh Media lamte sawm tur niin, hriatchian duh leh zawhna neite tan hun hawn a ni dawn bawk a ni.
