Mizoram Film Forum affiliated member-  3Angels Films ten an buatsaih film thar ‘Hringnun’chu vawiin chhun dar 12:00 khan Pi Lallianpuii, MIS, Jt Director, Dept of I&PR & State Nodal Officer, Films Development chuan a Office Chamber ah a tlangzarh.

Tlangzarh inkhawm hi Mizoram Film Forum te huaihawt niin Pu Aldrin Zosangliana, Sr Vice President, MFF in a kaihruai a. Mi inngaitlawm tak , MFF Member Pi Lalsainguri'n hetiang a film puitling a han buatsaih thei hi a lawmawm tak zet a. Mizo mipuite en tur film tha siamchhuahna kawngah theihtawp i chhuah ang u, a ti a.

Tlangzarhtu Pi Lallianpuii, MIS chuan " Mizo film industry in nasa takin hma a sawn mek a, mipuiin min ngaihhlutsak zel hi a lawmawm em em a. Film siamtuten nasa lehzual a tan in lak a ngai a. Nodal Department kan nih angin, in hmasawnna te lo hriatpuitu kan ni hi kan lawm a. Kan Official partner Mizoram Film Forum te nena kan thawhhona hian filmmite hi kawng thui tak min thlen dawn a ni " tiin Hringnun film chu a tlangzarh a.

Film Director, Mizoram Film Forum President ni bawk Pu Lalawmpuia Khiangte chuan film preview leh report hun a hmang bawk a. " Kan eizawnna hi Pathian rawng kan bawlna a ni, tiin film siamtuten tan ila sauh sauh ang u, a ti.

He film, Hringnun hi mipui en theih turin Veng leh khaw hrang hrangah sumtuakna atan booking a tih theih a ni.