Vawiin khan Kolasib DC Conference Hall ah Kolasib District huam chhunga Assembly Constituency 3 tana Electoral Roll buatsaih 2^nd Special Summary Revision-Publication of Final Electoral Roll chu District Election Officer Dr.Arun T, IAS in a tlangzarh. He Final Roll hi he huna kalkhawm Political Party hrang hrangte hnenah pekchhuah nghal an ni a, Kolasib District election Website deokolasib.mizoram.gov.in ah District huam chhunga election kaihhnawiha hmalakna hrang hrang bakah polling station hrang hrang leh thil dang tul leh pawimawh te chu mipui te tlawh leh hriat theih a tan kimchang taka dah ani thu tarlan ani bawk.

Final Roll tlangzarh atanga Voters khaikhawmna tlangpui chu

* Tuirial (ST) A/C ah Mipa 8287, Hmeichhia 8522 an awm a, an vaiin 16809 an ni.

* Kolasib (ST) A/C ah Mipa 10239, Hmeichhia 11203 an awm a, an vaiin 21441 an ni.

* Serlui (ST) A/C ah Mipa 9306, Hmeichhia 9600 an awm a, an vaiin 18906 an ni.

* District pum a vote neih zat chu 57157 a ni.

* Bru voters hi Tripura Transit Camp hrang hranga awm mek Constituency pathum (3) atang in 1749 an awm mek a.

* Epic Card hi voters zawng zawng ah pek vek an ni.

* Kolasib District ah hian Constituency pathum (3) awm in Polling Station 81 a awm a.

* Roll hmasa atanga punna hi 762 a ni a, 1.35% a ni.

Tlangzarh inkhawmah hian District level Standing Committee Member te bakah Political party hrang hrang aiawh te an kalkhawm a ni.