Mizoram KVI Board training Centre, Zemabawka training zo mi 27 te hnenah vawiin khan Pu Tinkhandala, Chief Executive Officer, Mizoram KVI Board in Certificate a hlan a, Certificate hlanna inkhawm hi Pi B. Lalengliani, Executive Officer in a kaihruai a, Pu C.L. Sangchhawna, Executive Officer in PMEGP chungchang a hrilhfiah a, Pu Thanthuama, Principal in fuihna thu sawiin training chhuak te chu an thiamna hmang tangkai ngei turin a chah.

Nakum 8.1.2013 hian batch hnuhnung ber an tan leh dawn a, training duh tan dilna an hawng mek a ni. Trade hrang hrang zir theih te chu 1) Carpentry 2) Tailoring 3) Steel Fabrication 4) Neo Soap 5) Cane Cap 6) Beauty Culture 7) Cane Furniture. He Centre atanga zirchhuak mi tam takin tunah hian eizawnna ngelnghet an nei tawh a ni.