Tunlaia Chalfilh Tourist Lodge chungchang thuthangva diklo chungchangah Tourism Department chuan a hnuai ami ang hian thudik zawk a tarlang.

Chalfilh Tourist Lodge saknan hian kum 2006 ah Ministry of Tourism, Government of India in Rs.499.00 lakhs a sanctioned a 1st instalment Rs.399.00 lakhs a released a. He pawisa Rs.399.00 hi Engineer in Chief, PWD ah Dt. 13.8.2007 ah transfered a niin hna pawh PWD enkawlna hnuaiah thawh a ni a. Tin Second Instalment Rs.100.00 lakhs hi Central sorkar in Dt. 26.2.2011 ah a rawn released leh a. He sum hi dan anga Mizoram Account ah te dah a niin Dt. 26.7.2011 ah Finance Department kaltlangin Engineer in Chief, PWD ah transfered leh a ni a. Tichuan he project atana PWD a sum transfered zawng zawng chu Rs.499.00 lakhs a ni.

He Tourist Lodge hi Dt. 16.6.2012 ah Department a hlan a nih atangin a enkawl turin Department chuan Muster Roll ruaiin chawkidar a dah nghal a. Amaherawh chu he Tourist Lodge hi external electrification leh external water connection te sum awm loh avangin tih theih a la ni lova. Tin, a building atana furniture leh furnishing materials leina tur sum a awm loh avangin vawiin thlengin hawn theih a la ni lova Department chuan pawi a ti hle a ni.

He Tourist Lodge hi hawn a nih thuai theih nan Ministry of Tourism, Government of India ah leh Planning Department, Government of Mizoram ah te External Electrification atan te, External Water Supply atan leh Furniture & Furnishing materials lei nan a tawn tawn a sum dil mek a niin heng sumte hi hmuh a nih ve leh he Chalfilh Tlang Tourist Lodge hi khualzin mite tana hman theih tur a hawn thuai a ni ang.

Chalfilh Tourist Lodge building atana Power & Electricity Department in external electrification estimate an siam chu Rs.39,30,006/- a nia. Tin, PHE in tui lakna tur external water connection atana estimate an siam chu Rs. 1,97,66,000/- a ni. Furniture leh furnishing leina tur chu tunah hian Department in ruahmanna a siam mek a ni.