Vawin chawhnu dar 1:00 khan Champhai I&PR Conference Hall-ah Bawrhsap Pu Sangdingliana IAS kaihhruainain District Level Cleanliness Week 2014 Committee an thukhawm.

He meeting-ah hian Cleanlinness week hman dan tur chungchang ngaihtuah a ni a, Cleanliness week (Faina Hapta) hi hman leh ngei nise, hawnna inkhawm hi October ni 2 Thawhlehni hian Chanem tualah neih nise an ti a, hemi ni a hnatlang tur hian Scout & Guides meber-te sawm ni se an ti bawk. Kum 2014 faina Hapta ah hian faina kawngah inelna neih leh nise an ti a, Veng fai leh School fai lawmman pakhatna atanga Pathumna thleng siam nise lawmman pakhatna atan Rs 5,000, pahnihna atan Rs 3,000 leh pathumna atan Rs 2,000 theuh pek nise an ti a, veng fai endik tur hian MJA Champhai District leh School fai endik turin Sub Hqrs YMA te ruat nise an ti bawk.

Faina hapta chhung hian Office leh School hrang hrangte bakah Veng tin hnenah faina hnatlang a tam thei ang ber nei tura ngenna siam nise an tih bakah Town Area huamchhung hmun hrang hrangah Faina chungchang thuziak tar nise an ti.

Faina Hapta hi October ni 8 chawhnu dar 1:00 ah kharna hun hman leh nise an ti bawk. Vawiina meeting hian State Committee-ah School fai intihsiakna hi endik a awlsam zawk theih nan Category 2-a then tur leh Office leh Thingpui dawr-te faina kawnga inelna siam leh tura rawtna thlen nise an ti bawk.