Vawin chawhnu dar 2:30 khan I&PR Conference Hall-ah District leh Sub-Division Committee of Scheduled Tribes and Other Traditional Forest Dwellers Act 2006-te tan intuaitharna neih a ni a, he hun hi Pu Sangdingliana IAS, Champhai Bawrhsap chuan khuallian niin a hmanpui.

He Workshop hi Pu Lalchuailova DFO, Secretary District Level Committee chuan a kaihruai a, he hunah hian Pu H Vanlalrawna OSD leh Facillitor Pu Ht Zonunsanga leh Pu C Lalnuntluanga ten dan kenkawh a nih theih na tura hriattur pawimawh te sawifiahna an nei a ni.

Scheduled Tribes and Other Traditional Forest Dwellers Act 2006 hian tribal mite dikna leh chanvo humhimna kawngah a tul chuan ramngaw pawh dan hnuaiah thiah theihna a neih avangin India ram hmundangah chuan tangkai taka hman a ni mek a, Mizoram hian engang takin nge kan tangkaipui theih ang tih te, hman sual theihna laka fimkhurna leh a tangkai zawnga hman a nih theih dan te an zir ho a ni.

He workshop-ah hian Champhai, Khawzawl leh Ngopa Sub Division member te bakah District Level committee member-te an kal tha hle a ni.